“తిమ్మరాజుపల్లి టీవీ” ఒక హానెస్ట్ మూవీ, మంచి ప్రయత్నం చేశారని ప్రతి ఒక్కరూ ప్రశంసిస్తున్నారు – సక్సెస్ మీట్ లో నిర్మాత కిరణ్ అబ్బవరం
న్యూ టాలెంట్ ను ఎంకరేజ్ చేస్తూ హీరో కిరణ్ అబ్బవరం సుమైర స్టూడియోస్ తో కలిసి తన కేఏ ప్రొడక్షన్స్ పై నిర్మించిన సినిమా “తిమ్మరాజుపల్లి టీవీ”. తేజ వేల్పుచర్ల సహ నిర్మాతగా వ్యవహరించారు. ఈ చిత్రంతో సాయి తేజ్, వేద జలంధర్ హీరో హీరోయిన్స్ గా నటించారు. “తిమ్మరాజుపల్లి టీవీ” చిత్రంతో వి.మునిరాజు దర్శకుడిగా పరిచయమయ్యారు. విలేజ్ బ్యాక్ డ్రాప్ లో సాగే పీరియాడిక్ డ్రామాగా రూపొందిన ఈ సినిమా ప్రేక్షకుల ముందుకొచ్చి ఘన విజయాన్నిసొంతం చేసుకుంది. ఈ నేపథ్యంలో మూవీ టీమ్ హైదరాబాద్ లో సక్సెస్ మీట్ నిర్వహించారు. ఈ కార్యక్రమంలో
డీవోపీ అక్షయ్ రామ్ పొదిశెట్టి మాట్లాడుతూ – సినిమా ఇండస్ట్రీకి వెళ్తానంటే నన్ను ఎంకరేజ్ చేసిన మా పెరెంట్స్ కు, నాకు ఎంతో సపోర్ట్ గా నిలిచిన నా వైఫ్ కు థ్యాంక్స్ చెబుతున్నా. మేము సక్సెస్ అందుకున్నాం, సక్సెస్ దక్కడం అంటే మామూలు విషయం కాదు. సినిమా చూసిన ఆడియెన్స్ తమకు నచ్చిన సీన్స్ గురించి ప్రత్యేకంగా మాట్లాడుతున్నారు. వారి ప్రశంసలు వింటుంటే హ్యాపీగా ఉంది. అన్నారు.
నటుడు అమ్మ రమేష్ మాట్లాడుతూ- మంచి చిత్రాలను ఆదరించే తెలుగు ప్రేక్షకులకు ముందుగా హ్యాట్సాఫ్ చెప్పాలి. థియేటర్స్ లోకి వెళ్లి ప్రేక్షకుల రెస్పాన్స్ చూశాము. మా మూవీ గురించి వాళ్లకున్న ఎగ్జైట్ మెంట్, ప్రతి క్యారెక్టర్ కు కనెక్ట్ అవుతున్నవిధానం చూస్తుంటే మా జన్మ ధన్యమైంది అనిపిస్తోంది. అన్నారు.
ఆర్ట్ డైరెక్టర్ సుధీర్ మాచర్ల మాట్లాడుతూ – ఈ రోజు ఈ వేదిక మీద నిల్చుని మాట్లాడటం గర్వంగా ఉంది. ప్రతిభ గల దాదాపు 50 మంది కొత్త వాళ్లను కిరణ్ అన్న నమ్మి ఈ సినిమా నిర్మించారు. వాళ్లు ఈ రోజు కిరణ్ అన్న నమ్మకాన్ని నిలబెట్టారు. వీళ్లంతా ఇండస్ట్రీలో మంచి పొజిషన్ కు వస్తారనే ఆశిస్తున్నాం. ప్రతి క్యారెక్టర్ తమ కళ్ల ముందు నిజంగా ఉందా అనేంతగా ప్రేక్షకులు ఫీల్ అవుతున్నారు. అన్నారు.
డైరెక్టర్ వి.మునిరాజు మాట్లాడుతూ – ప్రీమియర్స్ మొదలైనప్పటి నుంచి మా చిత్రానికి యూనానమస్ పాజిటివ్ టాక్ వచ్చింది. 40 ఫ్లస్ ఏజ్ ఉన్న వాళ్లు, మహిళలు, పురుషులు తమ మెమొరీస్ గుర్తుచేశావని చెప్పడం హ్యాపీగా అనిపించింది. ఇది తిమ్మరాజుపల్లి ఊరి కథ మాత్రమే కాదు ప్రతి ఊరి కథ. పేర్లు మారుతుంటాయి కానీ ప్రతి ఊరిలో దాదాపు ఇవే పాత్రలు కనిపిస్తాయి. నేను నేటివిటీ ఉన్న చిత్రాలు చేస్తాను. మా కుప్పం దగ్గర ఎన్టీఆర్ విగ్రహం ముందు కూర్చుంటే వంద కథలు వస్తాయి. అవే తెరకెక్కిస్తాను. ఈ తరం ప్రేక్షకులు మీ పేరెంట్స్ అప్పుడెలాంటి లైఫ్ చూశారో తెలుసుకునేందుకైనా ఈ చిత్రానికి వెళ్లండి. మేము థియేటర్స్ కు వెళ్లి చూస్తే మా సినిమాలోని పాత్రల పేర్లను ప్రేక్షకులు పలుకుతున్నారు. మా మూవీలోని క్యారెక్టర్స్ అన్నీ ప్రేక్షకులకు రిజిస్టర్ అయ్యాయి అనేందుకు ఇంతకంటే పెద్ద ప్రూఫ్ ఇంకేం కావాలి. అన్నారు.
నటుడు ప్రదీప్ కొట్టె మాట్లాడుతూ – నిన్నటితరంలో లైఫ్ ఎలా ఉండేది అనే ఎక్సీపిరియన్స్ మా సినిమా ఇచ్చిందనే ప్రశంసలు వస్తున్నాయి. ఇంకా చూడని వాళ్లు మా మూవీకి వెళ్లండి. మీరు కూడా అదే ఫీల్ అవుతారు. మాకెంతో సపోర్ట్ అందిస్తున్న మీడియా మిత్రులకు థ్యాంక్స్. అన్నారు.
హీరోయిన్ వేద జలంధర్ మాట్లాడుతూ – కొత్త వాళ్లం అందరం కలసి ఒక హోప్ తో సినిమా చేస్తే అది బ్లాక్ బస్టర్ అయితే ఎలా ఉంటుందో ఈ రోజే మాకు అర్థమైంది. పెద్దలతో పాటు ఈ తరం పిల్లలు కూడా వచ్చి మీ మూవీ వరల్డ్ ఎలా ఉందో చూద్దామని వచ్చాం అంటుంటే హ్యాపీగా అనిపించింది. ప్రేక్షకుల నుంచి వస్తున్న రెస్పాన్స్ కంటే సంతోషమైంది ఏదీ లేదు. మా ప్రయత్నం సక్సెస్ అయ్యిందని నమ్మకం కుదిరింది. ఈ సినిమాకు ముందు, తర్వాత మా జీవితాల్లో ఉన్న వంతెన కిరణ్ గారు. ఎన్నో ఎమోషన్స్ ఉన్న మా మూవీ మిమ్మల్ని సర్ ప్రైజ్ చేస్తుంది. అన్నారు.
హీరో సాయితేజ్ మాట్లాడుతూ – కేవలం కిరణ్ అన్న వల్లే మేమంతా ఇక్కడిదాకా రాగలిగాం. ఈ విజయం వెనక ఎలాంటి కృషి జరిగిందే నాకు తెలుసు. తెలిసిన వాళ్లు లేరు, ఈ సినిమాను ఓటీటీకి ఇవ్వమని కొందరు కిరణ్ అన్నకు చెప్పారు. కానీ ఆయన కొత్త వాళ్లు నాపై నమ్మకం పెట్టుకున్నారు. వాళ్లలో టాలెంట్ ఉందని చెప్పి థియేటర్స్ ద్వారా రిలీజ్ చేశారు. మేము కిరణ్ అన్నకు ఏమీ కాము. సినిమా బాగుండాలి, కొత్త వాళ్లు నిలబడాలనే ఆయన ముందుకొచ్చారు. ఇది మా సక్సెస్ కాదు. మాలాంటి కొత్త వాళ్ల సక్సెస్, వాళ్లకు ధైర్యాన్ని ఇచ్చిన సక్సెస్. అన్నారు.
నిర్మాత కిరణ్ అబ్బవరం మాట్లాడుతూ – నేను చేసిన సినిమా బాగా లేకుంటే మనం ప్రయత్నించాం, సక్సెస్ కాలేదని అనుకుని నెక్ట్స్ డే నుంచి సైలెంట్ గా ఉండిపోతాను. కానీ మా తిమ్మరాజుపల్లి టీవీ సినిమా చూసిన ప్రతి ఒక్కరి దగ్గర నుంచి పాజిటివ్ రెస్పాన్స్ వస్తోంది. మీడియా, ఇండస్ట్రీ పెద్దలు, సెలబ్రిటీస్ మంచి ప్రయత్నం చేశారని మమ్మల్ని అప్రిషియేట్ చేస్తున్నారు. ప్రీమియర్స్ నుంచి బయటకు రాగానే మా మూవీ కాస్ట్ అండ్ క్రూలోని వాళ్ల నెంబర్స్ అడుగుతున్నారు. మా సినిమా రిలీజైన ఒక్కరోజులోనే మా మూవీలోని ఐదారుగురికి ఇండస్ట్రీ నుంచి ఆఫర్స్ వచ్చేశాయి. ఇవన్నీ చూస్తుంటే హ్యాపీగా ఉంది. ఈ జర్నీ అంత సులువుగా జరగలేదు. ముని ఈ కథ చెప్పినప్పుడు విలేజ్ బ్యాక్ డ్రాప్ లో థ్రిల్లర్ మూవీ, రూటెడ్ గా కొత్తగా ఉంటుందని అనిపించింది. కమర్షియల్ ఎలిమెంట్స్ కంటే అందరికీ స్కోప్ ఉంది, మంచి ఫ్లేవర్ ఉంది, ఆడియెన్స్ మూవీకి బాగా కనెక్ట్ అవుతారని నమ్మాను. ఈ రోజు ప్రేక్షకులు అదే ప్రూవ్ చేశారు. సినిమా చూసిన వాళ్లంతా చాలా బాగుందని అంటున్నారు. అయితే కొత్త వాళ్లు కాబట్టి ప్రేక్షకులు ఇంకా థియేటర్స్ కు రావాలి అంటున్నారు. కొత్త వాళ్లతోనే ఒక హానెస్ట్ అటెంప్ట్ చేద్దామని ప్రయత్నించాం. మా సినిమాను ఇంకా ఎక్కువ మంది చూస్తారు, రేపు ఓటీటీలో ఇంకా ఎక్కువమంది చూస్తారు. వీళ్లందరికీ మంచి పేరొస్తుంది. ఇది గొప్ప సినిమా అని నేను చెప్పను. కానీ ఇది ఒక మంచి సినిమా. తిమ్మరాజుపల్లి టీవీ అనే అనేది ఒక థియేట్రికల్ ఎక్సిపీరియన్స్. ఒక ఊరికి వెళ్లి రెండు గంటల పాటు క్యూట్, నాస్టాల్జిక్ మూవ్ మెంట్స్ చూస్తారు. థ్రిల్ ఫీల్ ఉంటుంది. మీకు ఎక్కడా బోర్ కొట్టదు. నేను నెక్ట్స్ చేయబోయే మూవీ కూడా కొత్తవాళ్లతోనే చేస్తాను. కొత్త వాళ్లు రావాలి, సినిమా నిలబడాలి. అన్నారు
నటీనటులు – సాయి తేజ్, వేద జలంధర్, ప్రదీప్ కొట్టె, స్వాతి కరిమిరెడ్డి, అమ్మ రమేష్, సత్యనారాయణ, లతీష్, తదితరులు
టెక్నికల్ టీమ్
కాస్ట్యూమ్స్ డిజైనర్ – విశాల్య
ఆర్ట్ డైరెక్టర్ – సుధీర్ మాచర్ల
బిజినెస్ హెడ్ అండ్ మార్కెటింగ్ – చౌహాన్
క్రియేటివ్ ప్రొడ్యూసర్ – రితికేష్ గోరక్
ఎగ్జిక్యూటివ్ ప్రొడ్యూసర్ – కేఎల్ మదన్
డీవోపీ – అక్షయ్ రామ్ పొదిశెట్టి
మ్యూజిక్ – వంశీకాంత్ రేఖన
సీఈవో – రహస్య కిరణ్
పీఆర్ఓ – జీఎస్ కే మీడియా (సురేష్ – శ్రీనివాస్)
కో ప్రొడ్యూసర్ – తేజ వేల్పుచర్ల
ప్రొడ్యూసర్ – కిరణ్ అబ్బవరం
రచన, ఎడిటింగ్, దర్శకత్వం – వి. మునిరాజు
