తెలంగాణ ప్రభుత్వం 2025 ఏడాదికి గానూ ప్రకటించిన గద్దర్ అవార్డుల్లో ‘ది గ్రేట్ ప్రీ వెడ్డింగ్ షో’ సినిమాకి రెండు కేటగిరీల్లో అవార్డులు లభించాయి. చిన్న చిత్రంగా థియేటర్లోకి వచ్చి ఆడియెన్స్ను ఆకట్టుకుని బాక్సాఫీస్ వద్ద మంచి విజయాన్ని అందుకుంది. ఇక ఇప్పుడు ఈ మూవీకి గద్దర్ అవార్డులు కూడా రావడంతో తగిన గుర్తింపు లభించినట్టు అయింది.
తిరువీర్, టీనా శ్రావ్య జంటగా నటించిన ఈ చిత్రంలో మాస్టర్ రోహన్ రాయ్ ఓ కీలక పాత్రను పోషించాడు. సందీప్ అగరం, అష్మిత రెడ్డి బాసాని సంయుక్తంగా నిర్మించిన ఈ సినిమాకి రాహుల్ శ్రీనివాస్ దర్శకత్వం వహించారు. థియేటర్లో మంచి సక్సెస్ సాధించిన ఈ మూవీకి తాజాగా తెలంగాణ ప్రభుత్వం ఇచ్చే ప్రతిష్టాత్మకమైన గద్దర్ అవార్డులు లభించాయి. థర్ట్ బెస్ట్ ఫీచర్ ఫిల్మ్గా ‘ది గ్రేట్ ప్రీ వెడ్డింగ్ షో’కి, బెస్ట్ చైల్డ్ ఆర్టిస్ట్గా మాస్టర్ రోహన్ రాయ్కి అవార్డులు దక్కాయి.
