మ్యాంగో మాస్ మీడియా సమర్పణలో కోన ఫిల్మ్ కార్పొరేషన్ బ్యానర్ మీద కోన వెంకట్ నిర్మించిన చిత్రం ‘బ్యాండ్ మేళం’. సతీష్ జవ్వాజీ దర్శకత్వంలో తెరకెక్కిన ఈ సినిమాలో హర్ష్ రోషన్, శ్రీదేవీ జంటగా నటించారు. ఈ మూవీని మార్చి 13న రిలీజ్ చేయబోతోన్నారు. ఈ మేరకు ఈ సినిమాకి సంబంధించిన గ్లింప్స్ని వాలెంటైన్స్ డే సందర్భంగా రిలీజ్ చేశారు. మాటల మాంత్రికుడు త్రివిక్రమ్ ఈ గ్లింప్స్ని సోషల్ మీడియా వేదికగా విడుదల చేశారు. ఈ క్రమంలో నిర్వహించిన ప్రెస్ మీట్కి దర్శకుడు బాబీ, రచయిత బీవీఎస్ రవి ముఖ్య అతిథులుగా విచ్చేశారు. ఈ మేరకు నిర్వహించిన ఈవెంట్లో..
సక్సెస్ ఫుల్ డైరెక్టర్ బాబీ మాట్లాడుతూ .. ‘‘బ్యాండ్ మేళం’ గ్లింప్స్ని వాలెంటైన్స్ డేకి రిలీజ్ చేయండి అని నేను ఒత్తిడి చేశాను. గ్లింప్స్ చూసిన వెంటనే రోషన్ నంబర్ కనుక్కుని ఫోన్ చేసి మాట్లాడాను. ఫ్యూచర్లో రోషన్ పెద్ద స్టార్ అవుతాడు. ఎంతో కూల్గా నటించేశాడు. నా లవ్ స్టోరీ అంటే సుకుమార్ గారికి చాలా ఇష్టం. ‘నీ కథని నువ్వు తీస్తావా? నేను తీయాలా?’ అని సుకుమార్ గారు అంటుంటారు. ‘సార్ నేనే తీస్తాను అని’ ఆయనతో చెబుతుంటాను. నేను లవ్ స్టోరీ తీస్తే కచ్చితంగా రోషన్తోనే తీస్తాను. శ్రీదేవీకి సోషల్ మీడియాలో మంచి ఫాలోయింగ్ ఉంది. ఈ చిత్రంలో ఆమె అద్భుతంగా నటించింది. ఇలానే ఆమెకు ముందుకు వెళ్లాలని కోరుతున్నాను. సతీష్ జవ్వాజీ చూస్తే సైలెంట్గా ఉంటాడు కానీ మంచి సెటైర్లు వేస్తుంటాడు. ఈ చిత్రం కచ్చితంగా బ్లాక్ బస్టర్ అవుతుంది. ఈ సినిమా తరువాత మగాళ్ల మెడల్లో తాళిబొట్టు కనిపిస్తుందేమో అని కంగారు పడుతున్నాను. ఆయన రైటింగ్, కన్విక్షన్ అన్నీ కూడా అక్కడే అర్థం అవుతున్నాయి. విజయ్ బుల్గానిన్తో త్వరలోనే పని చేయాలని కోరుకుంటున్నాను. సతీష్ ముత్యాల గారి విజువల్స్ బాగున్నాయి. కోన గారికి డబ్బులు వస్తే మాకు డబ్బులు వచ్చినట్టే. ‘నిన్ను కోరి’ టైంలో ఎంత కాన్ఫిడెంట్గా ఉన్నాడో మళ్లీ ఇప్పుడు అంతే కాన్ఫిడెంట్గా ఉన్నారు. ఈ సినిమా చాలా పెద్ద స్థాయిలో సౌండ్ చేస్తుంది’ అని అన్నారు.
నిర్మాత కోన వెంకట్ మాట్లాడుతూ .. ‘శివ నిర్వాణ 2017లో నా ఆఫీస్కు వచ్చాడు. శివ తుర్లపాటి శివ నిర్వాణని పరిచయం చేశాడు. శివ నిర్వాణ చెప్పిన కథ చాలా నచ్చింది. అది గుర్తుండిపోయే చిత్రం అవుతుందని అప్పుడే అనుకున్నాను. అదే ‘నిన్ను కోరి’ అయింది. మళ్లీ అలాంటి ఫీలింగే సతీష్ జవ్వాజీ చెప్పినప్పుడు అనిపించింది. ‘నిన్ను కోరి’ చిత్రానికి ‘అన్ని అలవాట్లున్న అబ్బాయిని ప్రేమిస్తారు.. ఏ అలవాటు లేని అబ్బాయిని పెళ్లి చేసుకుంటారు’ అనే డైలాగ్తో ప్రోమోని రిలీజ్ చేశాం. మళ్లీ ఇప్పుడు ‘తాళి కట్టడం కలిసి ఉండటం కోసమే అయితే.. మధ్యలో విడిచి పెట్టిన దానికి కాదురా.. చిన్నప్పటి నుంచి నాతోనే ఉన్న వీడికి కట్టాలిరా’ అనే డైలాగ్తో ఈ ‘బ్యాండ్ మేళం’ గ్లింప్స్ రిలీజ్ చేశాం. ఈ ఒక్క డైలాగ్ విన్న తరువాతే సినిమా చేయాలని ఫిక్స్ అయ్యాను. నేనేమీ రెగ్యులర్ ప్రొడ్యూసర్ని కాదు. మనసుకి నచ్చిన కథ వస్తేనే సినిమాని తీస్తాను. మంచి కథతో మంచి దర్శకుడు ఇండస్ట్రీకి పరిచయం అయితే ఎంతో మందికి పని లభిస్తుంటుంది. ఈ కథ విన్నప్పుడే నాకు రోషన్, శ్రీదేవీ కనిపించారు. ఆ ఇద్దరినీ ఒప్పిస్తేనే సినిమా తీస్తాను అని సతీష్కి చెప్పాను. ఆ తరువాత విజయ్ బుల్గానిన్, సతీష్ ముత్యాల ఇలా అందరూ ఫిక్స్ అయ్యారు. కనిపించని నాలుగో సింహం టైపులో శివ ముప్పరాజు రైటర్ కమ్ ఎడిటర్గా పని చేశాడు. సాంగ్ని రిలీజ్ చేద్దామని అనుకుని చివరి నిమిషంలో గ్లింప్స్ని వదిలాం. త్రివిక్రమ్ని అడిగిన వెంటనే మాకు సపోర్ట్ చేశారు. నా జీవితంలో బీవీఎస్ రవి, బాబీ చాలా ఇంపార్టెంట్. జీవితాంతం గుర్తుండిపోయే సినిమాగా ‘బ్యాండ్ మేళం’ నిలుస్తుంది. గ్లింప్స్ చూసి బాబీ షాక్ అయ్యాడు. ఫ్యూచర్ నాని అవుతాడు అంటూ బాబీ ప్రశంసించాడు. ఈ కథ ప్రారంభించడానికి కారణం నా కజిన్ శివరాజు రాజశేఖర్ కారణం. ఈ చిత్రం ఆడియెన్స్ అందరికీ నచ్చుతుందని ఆశిస్తున్నాను’ అని అన్నారు.
బీవీఎస్ రవి మాట్లాడుతూ .. ‘‘బ్యాండ్ మేళం’ సినిమాని ఆల్రెడీ నేను చూశాను. కథని నేను ముందే విన్నాను. విన్నప్పటి కంటే మూవీని చూసిన తరువాత ఆశ్చర్యపోయాను. చిత్రాన్ని చాలా గొప్పగా తీశాడు. సతీష్ చాలా మంచి దర్శకుడు అవుతాడు. కెమెరామెన్ సతీష్ ముత్యాల విజువల్స్ గురించి అందరూ మాట్లాడుకుంటారు. విజయ్ బుల్గానిన్ మరోసారి అందరినీ ఆకట్టుకుంటాడు. హర్ష్ రోషన్, శ్రీదేవీ ఇద్దరూ కూడా అద్భుతంగా నటించారు. మార్చి 13న ఈ చిత్రం రాబోతోంది. అందరూ తప్పకుండా చూసి సక్సెస్ చేయండి’ అని అన్నారు.
హీరో హర్ష్ రోషన్ మాట్లాడుతూ .. ‘‘కోర్ట్’తో నన్ను నిలబెట్టిన వాల్ పోస్టర్ టీంకి, నాని అన్నకి, ఆడియెన్స్కి అందరికీ థాంక్స్. ‘బ్యాండ్ మేళం’ అనే పేరుని అందరూ వినే ఉంటారు. మా సినిమాతో ఆ పేరు అందరి గుండెల్లో చిరస్థాయిగా నిలబడిపోతుంది. మా వెన్నంటే నిలబడి నడిపించిన కోన వెంకట్ గారికి థాంక్స్. మా కోసం వచ్చిన బాబీ గారికి, బీవీఎస్ రవి గారికి థాంక్స్. మా గ్లింప్స్ లాంచ్ చేసిన త్రివిక్రమ్ గారికి థాంక్స్. నాకు ఇంత మంచి అవకాశం ఇచ్చిన సతీష్ గారికి థాంక్స్. మార్చి 13న మా చిత్రం రాబోతోంది. అందరూ చూసి సక్సెస్ చేయండి’ అని అన్నారు.
హీరోయిన్ శ్రీదేవి మాట్లాడుతూ .. ‘‘బ్యాండ్ మేళం’ నాకెంతో ప్రత్యేకం. ‘కోర్ట్’ తరువాత నేను విన్న కథ ఇదే. ఇప్పటికీ నన్ను జాబిలిగానే అందరూ గుర్తిస్తున్నారు. ఇకపై ఈ చిత్రంతో రాజమ్మగా అందరూ గుర్తు పెట్టుకుంటారు. ఇందులో నా పాత్రతో అందరినీ నవ్విస్తాను, ఏడిపిస్తాను. ఇంత మంచి కథలో నాకు పాత్రను ఇచ్చిన సతీష్ గారికి థాంక్స్. విజయ్ బుల్గానిన్ మ్యూజిక్ అంటే నాకు చాలా ఇష్టం. మమ్మల్ని నమ్మి సినిమాను నిర్మించిన కోన గారికి థాంక్స్. రోషన్తో మళ్లీ వర్క్ చేయడం ఆనందంగా ఉంది. మార్చి 13న మా సినిమా రాబోతోంది. గత ఏడాది మార్చి 14న ‘కోర్ట్’ వచ్చింది. ‘కోర్ట్’ కంటే ‘బ్యాండ్ మేళం’ పెద్ద హిట్ అవ్వాలని కోరుకుంటున్నాను’ అని అన్నారు.
దర్శకుడు సతీష్ జవ్వాజీ మాట్లాడుతూ .. ‘నా లైఫ్ అయిపోయిందని అనుకున్న టైంలో హీరోలా వచ్చి నన్ను సపోర్ట్ చేసిన కోన వెంకట్ గారికి థాంక్స్. నేను ప్రతీ సీన్ను ఎంతో ఎమోషన్తో రాశాను. అంతే ఎమోషన్తో ప్రతీ సీన్ను తెరకెక్కించాను. రోషన్, శ్రీదేవి నటనలతో ఆ ఎమోషన్స్ మరింత పండాయి. విజయ్ బుల్గానిన్ ఈ సినిమాకు మంచి ఆల్బమ్ ఇచ్చారు. అన్ని పాటలు అద్భుతంగా వచ్చాయి. మార్చి 13న ఈ చిత్రం రాబోతోంది. అందరూ చూసి సపోర్ట్ చేయండి’ అని అన్నారు.
బెక్కెం వేణుగోపాల్ మాట్లాడుతూ .. ‘‘బ్యాండ్ మేళం’ కథని సతీష్ చాలా ఇష్టపడి రాశాడు. నాకు ఆల్రెడీ కథ చెప్పాడు. ఆ కథ నాకు చాలా నచ్చింది. నేను ఈ కథను కోన గారి వద్దకు పంపాను. కోన గారు దర్శకుడు సతీష్కి, టీంకి వెన్నంటే నిలిచి సపోర్ట్ చేశాడు. మార్చి 13న ఈ చిత్రం బ్లాక్ బస్టర్ కాబోతోంది’ అని అన్నారు.
మ్యూజిక్ డైరెక్టర్ విజయ్ బుల్గానిన్ మాట్లాడుతూ .. ‘నన్ను నమ్మి ఇంత మంచి చిత్రంలో అవకాశం ఇచ్చిన కోన గారికి థాంక్స్. కోన గారు, సతీష్ గారితో మ్యూజిక్ సిట్టింగ్స్ నాకు చాలా నచ్చాయి. రోషన్, శ్రీదేవీ చక్కగా నటించారు. మార్చి 13న ఈ చిత్రం రాబోతోంది. ఈ సినిమా పెద్ద హిట్ అవ్వాలని కోరుకుంటున్నాను’ అని అన్నారు.
ఆదిత్య మ్యూజిక్ నిరంజన్ మాట్లాడుతూ ..‘‘బ్యాండ్ మేళం’ గ్లింప్స్ బాగుంది. పాటలు ఇంకా బాగుంటాయి. మాకు ఆడియో రైట్స్ ఇచ్చిన కోన గారికి థాంక్స్. మార్చి 13న ఈ మూవీ పెద్ద సక్సెస్ అవ్వాలని కోరుకుంటున్నాను’ అని అన్నారు.
తారాగణం: హర్ష్ రోషన్, శ్రీదేవి, సాయి కుమార్ తదితరులు.
సాంకేతిక సిబ్బంది:
కోన వెంకట్ ప్రొడక్షన్
బ్యానర్: కోన ఫిల్మ్ కార్పొరేషన్
సమర్పణ :మ్యాంగో మాస్ మీడియా
నిర్మాతలు: కావ్య, శ్రావ్య
సహ నిర్మాత: శివరాజు ప్రణవ్
రచయిత, దర్శకుడు: సతీష్ జవ్వాజి
సంగీతం: విజయ్ బుల్గానిన్
స్క్రీన్ప్లే, ఎడిటింగ్: శివ ముప్పరాజు
DOP: సతీష్ ముత్యాల
గీతరచయిత: చద్రబోస్
ఆర్ట్ డైరెక్టర్: నార్ని శ్రీనివాస్
కాస్ట్యూమ్ డిజైనర్: నంధన గాయత్రి
PRO: వంశీ కాకా
